B2C

Բիզնեսը հաճախորդի/սպառողի համար — B2C («business to consumer», «բիզնեսը հաճախորդի/սպառողին», «բիզնես-հաճախորդ/սպառող») ընկերության աշխատանքի մոդելն է, երբ ապրանքը նախատեսված է վերջնական սպառողի համար և լուծում է նրա խնդիրները։ B2C -ն վերաբերում է կազմակերպության/բիզնեսի և մասնավոր, այսպես կոչված, «վերջնական» սպառողի/հաճախորդի միջև առևտրային հարաբերություններին: Սպառողը ապրանք է գնում անհատական ​​կարիքները բավարարելու համար։ Փոխազդեցության առարկան ապրանքն է կամ ծառայությունը, և սուբյեկտներն են՝ մի կողմից ապրանք վաճառող/ծառայություն մատուցող ընկերությունը, մյուս կողմից՝ մասնավոր գնորդը։

B2c հարաբերությունների համակարգը ժամանակակից բիզնես գործընթացների շղթայի օղակներից մեկն է, և այս օղակը կառուցում է ուղղակի, անհատականացված գործարար հարաբերություններ՝ «Բիզնես-հաճախորդ»: B2C-ն թույլ է տալիս ուղղակի վաճառքներ իրականացնել նվազագույն թվով միջնորդների հետ: Միջնորդների վերացումը հնարավորություն է տալիս տեղում սահմանել մրցունակ գներ և նույնիսկ բարձրացնել դրանք՝ բացառելով միջնորդների թիվը, ինչը բնականաբար բերում է առևտրային շահութաբերության ավելացման։

B2C-ի օրինակներ — բիզնես հաճախորդները մարդիկ են, ոչ թե ընկերություններ

Պատահում է, որ ընկերությունն աշխատում է միանգամից երկու ոլորտում՝ արտադրանք է պատրաստում վերջնական սպառողների և այլ ընկերությունների համար: Առաջին դեպքում դա կլինի B2C վաճառք, երկրորդում՝ B2B վաճառք։ Օրինակ՝ հրուշակեղենի խոշոր ցանցը կարող է ոչ միայն իր արտադրանքը վաճառել մասնավոր հաճախորդներին, այլև հրուշակագործների համար դեկորացիաների խմբաքանակներ առաջարկել:

B2B և B2C — ո՞րն է տարբերությունը

B2B -ն «business to business» կամ «բիզնեսը՝ բիզնեսին» մոդել է: Ընկերության արտադրանքն օգտագործում են ոչ թե սովորական մարդիկ, այլ այլ ընկերություններ։ Հումք տրամադրող, աշխատակիցներ փնտրող և ապրանքներ մատակարարող ընկերությունները աշխատում են B2B մոդելի համաձայն:

B2C -ն տարբերվում է B2B -ից ապրանքի վերջնական սխառողով/հաճախորդ: B2C -ում ապրանքը սպառողում են սովորական մարդիկ։ Սա անկայուն լսարան է. այն կարող է աճել սեզոնի ընթացքում և նվազել զեղչերից հետո: B2B -ում հաճախորդներն ընկերություններ են, իրավաբանական անձինք: Դրանց ծավալը շուկայում դանդաղ է փոխվում։

Վաճառքի ձագար կազմակերպելիս պետք է ի նկատի ունենալ, որ վաճառքի ձագարի ընթացքն ավելի բարդ և երկար է B2B -ում: Ընկերությունները պետք է պատմեն ապրանքի մասին, թե որքանով է այն օգտակար ընկերությանը, համոզեն, որ այն կարելի է օգտագործել խնդիրը լուծելու համար։ B2C-ում վաճառքի ձագարը կարող է նույնքան բարդ լինել, բայց հաճախ ավելի կարճ ընթացքով: Սպառողները կարող են արագ իմպուլսային գնումներ կատարել։

B2C հաճախորդ — ո՞վ է նա

B2C բիզնես լսարանը վերջնական սպառողն է: Ապրանքը վաճառելու համար պետք է ուսումնասիրվեն այս մարդիկ՝ ովքեր են նրանք, քանի տարեկան են, որ մարզից են, ինչ են դիտում, ինչով են հետաքրքրվում։ Որքան շատ տեղեկատվություն հավաքվի հաճախորդների և նրանց հարցումների/պահանջմունքների վերաբերյալ, այնքան ավելի շատ գումար վաստակելու հնարավորություն կլինի:

Պատահում է, որ ապրանքը կարող է նախագծվել մի հատվածի համար, բայց այն գնում է մեկ այլ լսարան։ Օրինակ՝ Lego կոնստրուկտորը գնում են ոչ թե երեխաները, այլ նրանց ծնողները։ Այսպիսով, ընկերության հաճախորդները կլինեն ծնողներ։

Հաճախորդներին պետք է ճանաչել, որպեսզի հնարավոր լինի ստեղծել համապատասխան առաջարկներ՝ նրանց կարիքները բավարարելու համար, ինչպես նաև հնարավոր լինի ընտրել համապատասխան գովազդային ուղիներ, որտեղ այդ հաճախորդներին կարելի է հասնել: Լսարանը ավելի հեշտ է բաժանել խմբերի/սեգմենտավորել՝ կախված բնութագրերից: Օրինակ՝ ուսանողներ, երիտասարդ ծնողներ, թոշակառուներ։

Որո՞նք են B2C վաճառքի առանձնահատկությունները

  1. Ծառայությունը կարևոր է մարդկանց համար։
  2. Ընկերության համար ձեռնտու է զանգվածային արտադրանք արտադրել, այլ ոչ թե յուրաքանչյուր հաճախորդի համար ապրանք ստեղծել։
  3. B2C-ում գնման որոշումները կարող են կայացվել զգացմունքներից ելնելով։

Արդյունավետ մարքեթինգային ռազմավարությունները B2C-ում

  1. Բովանդակության մարքեթինգ — Ընկերությունը ստեղծում է օգտակար և հետաքրքիր բովանդակություն՝ գրառումներ, հոդվածներ, ակնարկներ, տեսանյութեր: Նպատակն է ներգրավել լիդեր/առաջատարներ, ավելացնել լսարանը և մեծացնել ներգրավվածությունը:
  2. SEO — Պպետք է օպտիմալացվի կայքը՝ կարգավորվի այն այնպես, որ որոնողական ռոբոտներն այն ավելի բարձր դասակարգեն: Նպատակը որոնման արդյունքներում հնարավորին բարձր դիրքավորվելն է։ TOP-10 որոնման արդյունքների ընկերություններն ունեն հետևողականորեն բարձր թրաֆիկ և մեծ վաճառք:
  3. Վճարովի գովազդ — Դրանք են կոնտեքստային գովազդը, գովազդը սոցիալական ցանցերում և ակնթարթային մեսենջերներում, վերաթիրախավորումը: Այս ամենը օգնում է դեպի կայք ներգրավել լսարան՝ այն օգտվողներին, ովքեր արդեն հետաքրքրված են արտադրանքով:
  4. Էլ․փոստով մարքեթինգ — Նրա օգնությամբ կարելի է պահել այն հաճախորդին, ովքեր դեռ պատրաստ չեն գնել: Նա գրանցվում է կայքում կամ բաժանորդագրվում է տեղեկագրին: Նամակների միջոցով հնարավոր է «տաքացնել» նման հաճախորդին և բերել վաճառքի։
  5. Հավատարմության ծրագրեր —Ընկերությունները դրդում են օգտատերերին կրկնել վաճառքները՝ առաջարկելով բոնուսներ, օրինակ՝ քեշբեք կամ գնումների համար միավորներ։ Հաճախորդները հավաքում են այնպիսի միավորներ, որոնք հետո փոխանակվում են ապրանքի կամ զեղչի հետ։

B2C — ի՞նչն է կարևոր հիշել

B2C-ում մրցակցությունը բարձր է՝ ավելի բարձր, քան B2B-ում: Ընկերությունները պետք է պայքարեն հաճախորդների համար, ուստի նրանք ուղիներ են փնտրում աչքի ընկնելու, մրցակիցներից տարբերվելու, որպեսզի օգտատերերին ցույց տան իրենց առավելությունը, իրենց յուրահատկությունը։ Նման հատկանիշի ձևավորումը կոչվում է դիրքավորում։ Լսարանի հետ աշխատելիս պետք չի մոռանալ դիրքավորման մասին։ Դիրքավորումը հարկավոր է օգտագործել հաճախորդներին գրավելու և կրկնվող վաճառքները խթանելու համար:

B2C մարքեթինգը (Business-To-Consumer, բիզնեսը սպառողին) գործունեություն է, որի նպատակը սպառողին ապրանքների և ծառայությունների ուղղակի վաճառքն է։

B2C վաճառք տերմին է, որը հաճախ օգտագործվում է մանրածախ վաճառողի կողմից իրականացվող գործունեությունը նկարագրելու համար: B2C ընկերությունները օգտագործում են հատուկ առևտրային տեխնոլոգիաներ և զանգվածային գնորդի վրա կենտրոնացած շուկայավարման տեխնոլոգիաներ, որոնք կոչվում են մանրածախ տեխնոլոգիաներ։

B2C մարքեթինգը բնութագրվում է հետևյալով

Վերադառնալ բառարանի հիմնական էջ