Դիրքավորումը/դիրքորոշումը ապրանքի կամ ապրանքանիշի իմիջ ստեղծելու մարքեթինգային հնարքների մի շարք է:
Դիրքավորման մարտավարությունն օգնում է ընկերությանն առանձնանակ մրցակիցներից։ Նպատակը լսարանի մտքերի վրա ազդելն է, հուզական արձագանքի հասնելը, որպեսզի սպառողները որոշակի պատկերացում ունենան ապրանքի կամ ապրանքանիշի մասին, վստահեն ու գերադասեն այն:

Դիրքավորումն օգնում է

խոսել ապրանքի կամ ապրանքանիշի առավելությունների և արժեքների մասին,
առանձնանալ մրցակիցներից,
բարձրացնել վստահության մակարդակը,
բարձրացնել հավատարմությունը։

Օրինակ՝ Snickers՝ արագ խորտիկի համար, Volvo անվտանգ մեքենաների համար, Raffaello հիանալի ռոմանտիկ նվերի համար։

Դիրքավորումը/դիրքորոշումը սպառողի մտքում նոր ապրանքի/ծառայության տեղը/դիրքը որոշելու մարքեթինգային խնդիրն է: Մարքեթինգային դիրքավորման զարգացումը գործունեություն է, որն ուղղված է ապրանքի հատուկ ներկայացմանը սպառողին, որը տարբերվում է մրցակիցներից:

Ճիշտ դիրքավորման արդյունքը բրենդի/արտադրանքի իմիջի ձևավորումն է թիրախային լսարանի երևակայության, ընկալման, գիտակցության մեջ այնպես, որ ապրանքանիշը/ապրանքը հնարավորինս տարբերվի մրցակիցների ապրանքանիշերից/ապրանքներից:

Այսպիսով, ճիշտ դիրքավորված ապրանքը/ապրանքանիշը ենթադրում է՝

արտադրանքի առանձնահատկության առկայություն՝ արտահայտված առավելություններով, որոնք ստանում են հաճախորդները,
թիրախային շուկայի սեգմենտի կարիքների և ակնկալիքների բավարարում,
նմանատիպ ապրանքների մրցակիցների դիրքերից տարանջատում։

Դիրքորոշումը մարքեթինգային խնդիր է, որը բաղկացած է մի քանի ենթաառաջադրանքներից

Շուկայի հետազոտություն և մրցակցային ապրանքների դիրքավորում։
Նոր ապրանքի/ծառայության տեղի որոշում մի շարք գոյություն ունեցող ապրանքներում։
Գնորդի հետ հաղորդակցություն, սպառողների գիտակցության մեջ ընկերության և/կամ ապրանքի իմիջի ձևավորում, որը տարբերվում է մրցակիցներից:

Դիրքորոշումը միշտ ենթադրում է հենվել մրցակիցների և շուկայի վերաբերյալ առկա գիտելիքների վրա: Այսպիսով, հնարավոր է սկսել դիրք մշակել միայն թիրախային շուկայի կառուցվածքի մասին պատկերացում կազմելուց հետո, որոշել թիրախային հատվածի և թիրախային լսարանի ընտրությունը։ Դրանից հետո անհրաժեշտ է համապարփակ տեղեկատվություն ստանալ շուկայում առկա ապրանքների, դրանց տարբերակիչ հատկանիշների և սպառողների վերաբերմունքի մասին:

Ապրանքի դիրքորոշումը կարելի է կատարել՝ հասկանալով

ի՞նչն է կարևոր թիրախային սեգմենտի և թիրախային լսարանի ներկայացուցիչների համար սպառման գործընթացում, որո՞նք են գնման մեթոդները,
ինչպիսի՞նն է ապրանքի ընկալումն այս ապրանքախմբի նմանատիպ ապրանքներում, որոնք առկա են շուկայում,
որո՞նք են մրցակիցների դիրքավորման սխալները,
ապրանքի ո՞ր մրցակցային առավելություններն են եզակի շուկայում,
դրանց մրցակցային ո՞ր առավելություններն են առավել կարևոր սպառողի համար,
դրանցից որո՞նք դժվար է պատճենել, վերարտադրել մրցակիցների կողմից,
որո՞նք են գովազդային հաղորդագրության տեսքով սպառողին մրցակցային առավելությունները ճշգրիտ և հեշտությամբ հաղորդելու ուղիները։

Ապրանքի դիրքավորումը պետք է իրականացվի մի քանի ուղղություններով՝ ապրանքի հատուկ հատկություններ, ինքնարժեք և որոշակի հուզական վերաբերմունք:

Դիրքորոշման ռազմավարություններ՝

մասնագիտացում, փորձաքննություն,
արտադրանքի հատուկ առավելությունները, առաջարկները և ապրանքը ուղեկցող ծառայությունները,
ապրելակերպ կամ գործունեություն,
ինովացիա, նորարարություն,
շրջակա միջավայրի բարեկամականություն, անվտանգություն,
էժանություն և մատչելիություն,
մշտական առկայություն, տեսականի, հասանելիություն:

Վերադառնալ բառարանի հիմնական էջ