PPC մասնագետը կամ PPC մենեջերը տարբեր հարթակներում գովազդ է տեղադրում ցանկալի թիրախային լսարանի համար, օրինակ՝ վեբ կայքերում կամ գովազդ YouTube -ում և ներգրավում նոր հաճախորդներ:
PPC մենեջերի/PPC մասնագետի աշխատանքն անհնար է առանց Google Analytics-ի, Google AdWords-ի, Google Tag Manager-ի, ինչպես նաև այլ համանման գործիքների տեսական ու գործնական իմացության։ Նրան գուցե նաև այլ գործիքներ պետք գան՝ կախված է հաճախորդի նպատակներից։
Գովազդային արշավի գորրծարկումից հետո PPC մասնագետը հաշվարկում է այն ցուցանիշները, որոնց կարելի է հասնել որոշակի բյուջեով և անընդհատ օպտիմիալացնում է ցուցանիշները։ PPC մենեջերն անում է ամեն ինչ, որպեսզի քլիքը/սեղմումը/անցումն ավելի քիչ արժենա, բայց ավելի մեծ արդյունք ապահովի, այսինքն՝ քլիքը վերածվի փոխակերպման: Գովազդային արշավի ավարտից հետո PPC մենեջերը կազմում է դրա արդյունավետության մասին հաշվետվություն։
Աշխատանքը միավորում է կրեատիվությունն ու թվերը. PPC մենեջերը կարող է գաղափարներ առաջարկել կրեատիվների համար, համատեղել դրանք, բայց միևնույն ժամանակ նա չպետք է մոռանա փոխակերպման և վիճակագրության մասին:
PPC մասնագետը պետք է կարողանա
- ստեղծել գովազդների խմբեր,
- հավաքել իմաստային միջուկ/սեմանտիկ միջուկ և բացասական հիմնաբառեր,
- աշխատել գովազդային բյուջեների ու գովազդի դրույքաչափերի հետ,
- օգտվել վերբ վերլուծությունից՝ գովազդային արշավի արդյունավետության մասին պատկերացում կազմելու կամ լսարանի վարքագծի վերաբերյալ տվյալներ հավաքագրելու համար,
- կարգավորել վերաթիրախավորում,
- ընտրել վաճառող վերնագրեր և գովազդի համար տեքստեր գրել,
- փորձարկել գովազդային գործիքները և հարթակները,
- մասնակցեք երթևեկի/թրաֆիկի ձագարի մշակմանը,
- գովազդային արշավները հարմարեցրեք հարթակներին,
- մշտապես վերահսկել գովազդային արշավները:
PPC մենեջերին անհրաժեշտ է հաստատակամություն, ուշադրություն մանրուքների նկատմամբ, վերլուծական և տրամաբանական մտածողություն, ստեղծագործականություն և ծավալուն տեղեկատվությունը ճիշտ վերլուծելու կարողություն: