Սլոգան / կարգախոս
Սլոգանը՝ կարգախոսը, կարճ արտահայտություն է, նշանաբան, կարգախոս, որը բիզնեսն օգտագործում է գովազդի համար։ Կարգախոսը լակոնիկ կերպով սահմանում է գովազդի հիմնական ուղերձը՝ արտացոլեկով դրա հիմնական գաղափարն ու արժեքը։ Կարգախոսը իմաստով կապված է գովազդային հաղորդագրության հետ։ Այն պետք է լինի հիշվող, գրավիչ, առանձնանա մնացած տարրերից: Կարգախոսները սովորաբար կարճ են՝ 8 բառից ոչ ավելի:
Սլոգանը կամ կարգախոսը կարճ, պարզ, հեշտ արտասանվող և հիշվող արտահայտություն է, որը պարունակում է ինչպես մարքեթինգային թեմայի հիշատակում՝ որպես հիմնական տրամաբանական տարր (արտադրանք, ապրանքանիշ, ծառայություն կամ վաճառքի վայր), այնպես էլ գովազդային գաղափար։
Սլոգանի/կարգախոսի նպատակն էամփոփել մարքեթինգի առարկայի առավելությունները՝ հակիրճ, հեշտ հասկանալի և հիշվող հաղորդագրություն ստեղծելու համար։
Կարգախոսների/սլոգանների հիմնական տեսակներն են
- Ընկերության սլոգան/կարգախոս — կորպորատիվ սլոգան, որն օգտագործվոըն է ընկերության ու դրա ստորաբաժանումների գովազդներում,
- Ապրանքային սլոգան/կարգախոս — կարճ, հիշվող արտահայտություն, որը նկարագրում է որոշակի ապրանքի կամ ծառայության առավելությունները, օգնում է սպառողին արագ հասկանալ, թե ինչու պետք է նախապատվությունը տա դրան,
- Ծառայությունների սլոգան/կարգախոս — ապրանքին պատկանող ոչ ապրանքանիշային, տարբերակիչ կարգախոս։
- Սահմանափակ ժամանակով գովազդային արշավի կամ առաջխաղացման սլոգան/կարգախոս:
Գովազդային արշավի կարգախոսը պետք է ինչ-որ կերպ կապված լինի մարքեթինգի թեմայի հետ (բրենդ, ապրանքանիշ, ձեռնարկություն), բայց միևնույն ժամանակ ուշադրություն հրավիրի որոշակի գաղափարի վրա։
Տպագիր գովազդում կարգախոսը չունի նույն հուզական երանգավորումը, ինչ, օրինակ, հեռուստատեսային և ռադիո գովազդում, բայց այն կարող է կրել որոշիչ իմաստ: Այն կարող է նաև հանդես գալ որպես գովազդային հաղորդագրության վերնագիր: Այն շատ ավելի հեշտ է պատկերազարդել կարգախոսի տակ, քան հակառակը: Այս մոտեցումը թույլ է տալիս վերականգնել հուզականության կորուստները:
Որո՞նք են սլոգանի/կարգախոսի չափանիշները
- Կարգախոսը վերջում է գալիս և ամփոփում այն կամ ի սկզբանե սահմանում ընկերության դիրքորոշումը/առաջարկը։
- Կարգախոսին սովորաբար ուղեկցում է գովազդատուի ապրանքանիշը։
- Կարգախոսը պետք է լինի օբյեկտիվ և ճշմարտացի։
- Կարգախոսը պետք է նորմալ ընկալվի։
- Կարգախոսը պետք է հիշվող լինի։
Կարգախոսը գովազդի ամենակարևոր բաղադրիչն է: Վերնագրերի և կարգախոսների ընթերցողները սովորաբար 4-5 անգամ ավելի շատ են, քան տեքստի ընթերցողները: Գովազդային կարգախոսները ուշադրություն են գրավում՝ խոստանալով լուծել գնորդի խնդիրը: Կարգախոսը, ապա տեքստի առաջին տողերը, նախապատրաստում են գրավչության ընկալմանը: Հիմնական մասը փոխանցում է հաղորդագրության բովանդակությունը: Ավարտը ամրապնդում է այն տրամադրությունն ու տեսակետները, որոնք գովազդային հաղորդագրության հեղինակը փորձում է առաջացնել հասցեատիրոջ մոտ: Հետևաբար, տեքստի կառուցվածքում հայտնիի և անհայտի միջև եղած կապը չափազանց կարևոր է տեքստը ընկալողի համար: Պետք է սկսել հայտնիից:
Կարգախոսների հետ կապված իրավիճակը ակնհայտ է՝ ընկերությունները չունեն սլոգան կամ էլ ունեն, բայց դրանք չեն գործում մի շարք սուբյեկտիվ և օբյեկտիվ պատճառներով։ Կարծիք կա, որ կարգախոսի հիմնական առավելությունը դրա հիշարժանությունն ու ազդեցության ասոցիատիվ եղանակն է, բայց գործնականում դա չափազանց հազվադեպ է լինում: Շատ կարգախոսներ մի շարք անճշտությունների պատճառով ընկալող լսարանի համար բազմաթիվ խոչընդոտներ և արգելքներ հաղթահարում:
Կարգախոսի կառուցվածքը ներկայացնելը, այն մանրամասն մշակելը, հաճախորդի կամ նրա ապրանքի հետ բոլոր հնարավոր ասոցիացիաները հետևողականորեն նկարագրելն ու տեղադրելը արդյունավետ կարգախոս ստեղծելու անհրաժեշտ հաջորդականություն է։
«Սլոգան» հասկացությունը (գալերեն՝ սլուագ-ղաիրմ բառից), նշանակում է «մարտական կոչ»։ Բառի սկզբնական իմաստը՝ «մարտական կոչ», շատ ճշգրիտ և շատ փոխաբերական կերպով արտացոլում է այս գովազդային կոնստանտի էությունը։ 1880 թվականին «կարգախոս» հասկացությունն առաջին անգամ օգտագործվել է իր ժամանակակից իմաստով։
Վերադառնալ բառարանի հիմնական էջ