Կարծիքի առաջնորդ
Կարծիքի առաջնորդը/լիդերն այն մարդն է, ում լավ ճանաչում և վստահում է լսարանը, ում կարծիքը կարևոր և նշանակալից է լսարանի համար։ Կարծիքի առաջնորդը նույնն է, ինչ օփինիոն լիդերը (անգլերեն՝ opinion leader)։
Կարծիքի առաջնորդ կարող է լինել ցանկացած խարիզմատիկ, հրապարակային և ողջախոհ/ոչ հիմար անձնավորություն՝
- հանրահայտ բլոգերներ,
- նորարարության նախաձեռնողներ,
- շոու-բիզնեսի աստղեր, սպորտի աստղեր, դերասաններ՝ նրանց համար, ովքեր հետաքրքրված են տվյալ ոլորտներով,
- մասնագիտական համայնքների առաջնորդներ, որոնք վաստակել են կարծիք ունենալու իրավունքը,
- պրոսումերներ (անգլերեն՝ prosumer):
Մարքեթինգային նպատակներով կարծիքի առաջնորդն օգտագործվում է որպես միջնորդ մարքեթինգի սուբյեկտի (բրենդ, ապրանք, ընկերություն) և թիրախային, մասնագիտական խմբի միջև, որի անդամ է կարծիքի առաջնորդը։
Ընտիր է, երբ խմբում առաջատար դիրքեր զբաղեցնող անձը ոչ միայն կարծիք ունի ընկերության մարքեթինգային թեմայի վերաբերյալ, այլև լավ գիտելիքներ ունի այդ առարկայի մասին։ Հակառակ դեպքում կարծիքի լիդերին/առաջնորդին պետք է սովորեցնել։
Մասնագիտական և հոբբի համայնքների շարքում կարծիքի առաջնորդը բացարձակ հեղինակություն է։ Եթե երկու համայնքներ՝ մասնագիտական և մարքեթինգային թեմատիկ համայնքը, բավականին ճշգրիտ հատվում են, ապա կարծիքի առաջնորդը նաև մարքեթինգի թեմայի մասնագետ է։
Կարծիքի առաջնորդները/լիդերները լինում են
- լոկալ/տեղային/տեղական — նեղ խմբերի կարծիքի լիդերներ/առաջնորդներ,
- գլոբալ/համաշխարհային — միջին խմբերի կամ խոշոր համայնքների կարծիքի լիդերներ/առաջնորդներ,
- մոնոմորֆ/միակերպ — կարծիքի լիդերներ/առաջնորդներ, նեղ ոլորտի ազդեցիկ մասնագետներ, նրանց ղեկավարությունը չի տարածվում որոշումների կայացման այլ ոլորտների և համայնքի համար կարևոր ոլորտների վրա,
- պոլիմորֆ/բազմակերպ — կարծիքի լիդերներ/առաջնորդներ, որոնք ազդեցություն են ունենում հանրության վրա լայն շրջանակում։
«Կարծիքի առաջնորդ» տերմինը հայտնվել է 1955 թվականին Փոլ Լազարսֆելդի և Էլիհու Կացի «Անձնական ազդեցություն» գրքում: Հասկացության ձևավորմանը և տարածմանը նպաստել են նաև այնպիսի հետազոտողներ, ինչպիսիք են Ռ. Մերտոնը, Ք. Ռայթ Միլսը և Բեռնարդ Բերելսոնը: Այս հասկացությունը, շատ ուրիշների հետ միասին, բացատրում է տեղեկատվությունը որոշակի լսարանին փոխանցելու մեխանիզմը:
Կարծիքի առաջնորդին ներգրավելու հիմնական նպատակն է հարմարեցնել և մեկնաբանել ապրանքանիշի կամ ապրանքի մասին փոխանցված տեղեկատվությունը, որպեսզի ապրանքանիշը, ապրանքը կամ տեղեկատվությունը ավելի լավ ընկալվի թիրախային լսարանի կողմից, որի համար առաջնորդի կարծիքը որոշիչ (նշանակալից) է։
Կարծիքի առաջնորդի առաջադրանքները, որոնք ընկերությունը սահմանում է ներդրումային անձին համատեղ աշխատանքի ներգրավելիս
- Կարծիքի առաջնորդ, որը խոսում է ապրանքի օգտագործման փորձի հայտարարման դիրքից, ինչը ապահովում է ընկերության առաջարկի համարժեք և բարենպաստ ընկալումը թիրախային լսարանի կողմից։
- Կարծիքի առաջնորդ, որը ձեռնարկում է ակնհայտ կամ թաքնված գործողություններ՝ ապրանքները խթանելու և թիրախային լսարանի մոտ ընկերության առաջարկի վերաբերյալ դրական կարծիք ձևավորելու համար։
- Կարծիքի առաջնորդը գրավվում է որպես մասնագիտական միջոցառման նախագահ և մոդերատոր, երբ նրա պարզապես ներկայությունը կարող է գրավել մասնագետներին (նպատակային լսարանին) և նրանց աչքում հաստատել տեղեկատվության հավաստիությունը։
- Կարծիքի առաջնորդ, որը վարձվել է ընկերության շահերը մասնագիտական և քաղաքական միավորումներում, կառավարական հաստատություններում և կարգավորող մարմիններում լոբբինգի համար։
- Կարծիքի առաջնորդի ներգրավվածությունը մարքեթինգային նյութերի ստեղծման գործում՝ հոդվածներ, տեղեկատվական նյութեր, վերլուծությանը մասնակցելը, գովազդային նյութերի վերանայումը։
Կարծիքի առաջնորդները հայտնի են, և մարդիկ փորձում են ընդօրինակել նրանց։ Հասկանալով սա՝ մարքեթոլոգները փորձում են անուղղակիորեն օգտագործել կարծիքի առաջնորդին գովազդում, նույնիսկ հատուկ ստեղծելով գովազդային հաղորդակցություններ, որոնք շեշտը դնում են կարծիքի առաջնորդի մասնակցության վրա։ Տեսեք «ցուցմունք» հասկացությունը։ Ընկերությունները հարմարեցնում են ապրանքանիշի հաղորդակցման հարթակը՝ կապված գիտական աշխատանքի թեմայի, հետազոտության կամ կարծիքի առաջնորդի հետաքրքրության ոլորտի հետ։
Վերադառնալ բառարանի հիմնական էջ