Ուղղակի մարքեթինգ
Ուղղակի մարքեթինգը (անգլերեն՝ direct marketing) մարքեթինգային ուղղակի, առանց միջանկյալ կապերի գործընթաց է, փոխազդեցություն վաճառողի (արտադրողի) և սպառողի միջև ապրանքների վաճառքի գործընթացում: Ուղղակի մարքեթինգը նաև անվանում են անհատական մարքեթինգ (անգլերեն՝ Personalised Marketing): Դայրեքթ մարքեթինգ տերմինը ծագել է ԱՄՆ-ում, այն առաջին անգամ ստեղծվել է Լեսթեր Վունդերմանի կողմից 1967 թվականին։
Ուղղակի շուկայավարումը մարքեթինգային հաղորդակցության տեսակ է, որը հիմնված է հաճախորդի հետ անհատականացված հարաբերությունների վրա, որը ներառում է սերտ փոխազդեցություն և հետադարձ կապ, առանց հաղորդակցության համար տեղեկատվական միջնորդների օգտագործման: Այսպիսով, ուղղակի մարքեթինգը կենտրոնացած է ոչ թե թիրախային խմբերի, այլ առանձին անհատականությունների վրա:
Ընդհանուր առմամբ, ուղղակի մարքեթինգը վերաբերում է վաճառողի ներկայացուցչի և հաղորդակցության առարկայի միջև միջանձնային հաղորդակցության բոլոր ձևերին, որոնք ուղղված են երկխոսության հաստատմանը.շուկայական բոլոր գործողությունները, որոնցում օգտագործվում են կապի միջոցներն ու մեխանիզմները՝ սուբյեկտի հետ անձնական կապ հաստատելու նպատակով՝ այդ սուբյեկտից չափելի պատասխան ստանալու նպատակով։
Դայրեքթ մարքեթինգը ենթադրում է կոնկրետ հաճախորդի վրա կենտրոնացում՝ նրա կարիքները բավարարելու և դրանք որպես եզակի և անհատ հասկանալու համար։ Ահս գործընթացը ներառում է հետադարձ կապ և չի օգտագործում տեղեկատվության միջնորդներ հաղորդակցության համար:
Ուղղակի կամ անհատական մարքեթինգի նպատակը գնորդի ծրագրված արձագանքն է՝ արտահայտված ապրանքի գնման մեջ։ Ուղղակի մարքեթինգի խնդիրը կարելի է դիտարկել երկու տեսանկյունից՝
- գնորդի հետ պլանավորված հարաբերությունների հաստատում;
- վաճառքի իրականացում։
Ավելի մանրամասն ուղղակի կամ անհատական մարքեթինգի խնդիրները կարելի է նշել
- ստացողի ուշադրությունը գրավելը,
- սպառողին ազդեցության ոլորտում պահելը,
- լիդերի կամ առաջատարների գեներացումը,
հաղորդակցման առակարկաներին հաճախորդների վերածումը, - գնորդի հետ երկարաժամկետ անձնական հարաբերությունների զարգացում;,
- առաջին գնման խթանումը,
- անհրաժեշտ կարծիքի և որոշման ձևավորումը,
- բազմաթիվ կրկնվող գնումների համար նախադրյալների ստեղծումը,
- սպառողների արձագանքի ուսումնասիրությունը,
- մեկ գնորդի վաճառքի ծավալների ավելացումը,
- գնումների շրջանակի ընդլայնումը,
- գնումների հաճախականության ավելացումը,
- սպառողների հավատարմության աճը։
Ուղղակի կամ անհատական շուկայավարման տեսակները/ձևերն են՝
- անձնական (անհատական) վաճառք,
- էլեկտրոնային առևտուր,
- անհատական ներկայացում,
- էլ․փոստով ուղղակի շուկայավարում,
- հեռախոսային շուկայավարում,
- հեռավար շուկայավարում;
- ինտերնետ մարքեթինգ,
- ապրանքի փաթեթավորման վրա տեղեկատվական և գովազդային հաղորդագրությունների տեղադրում,
- անհատական խորհրդատվություն և ուսուցում,
- առևտրի մարքեթինգային խթանումներ/ակցիաներ ու հատուկ առաջարկներ՝ անհատական աշխատանք հաճախորդի հետ, որն իրականացվում է վաճառքի կետում,
- կատալոգի մարքեթինգ:
Ուղղակի կամ անհատական շուկայավարման համար բնորոշ են հետևյալ հաղորդակցման բնութագրերը՝
- թիրախավորում և կենտրոնացում հաճախորդի վրա, ստացողի խնդրանքներին ճկունորեն հարմարվելու կարողություն,
- անմիջական, ուղղակի բնույթ՝ «վաճառող-գնորդ» հարաբերություններում,
- ուղղակի մարքեթինգային հաղորդակցության ազդեցության չափելիություն,
- բարձր արժեքը մեկ ուղղակի մարքեթինգային շփման համար:
Հակառակ զանգվածային մարքեթինգի և ուղղակի մարքեթինգի հակասության մասին տարածական պնդումներին, դասական գովազդը և առևտրային շուկայավարումը լավ են աշխատում ուղղակի մարքեթինգի հետ, երբ դրանք համահունչ են միմյանց: Ավելին, անկախ շուկայի սեգմենտից և շուկայավարման մոդելից, վաղ թե ուշ վաճառքի ձագարի ստորին մակարդակներում ցանկացած զանգվածային մարքեթինգն անպայման ավարտվում է գնորդի և վաճառողի միջև ուղղակի հաղորդակցությամբ՝ ուղղակի մարքեթինգով:
Վերադառնալ բառարանի հիմնական էջ