Սպառողի վերլուծությունն (անգլերեն՝ consumer analysis) ուղղված է ճաշակի ուսումնասիրմանը, սպառողների խմբերի կարիքների կառուցվածքի տարբերակմանը, անբավարար կարիքների բացահայտմանը, որոշակի ապրանքների նկատմամբ սպառողների նախապատվության դրդապատճառներին:

Սպառողների վերլուծությունը հնարավորություն է տալիս հասկանալ առկա և պոտենցիալ սպառողների սպառողների նախասիրությունները, նրանց պահանջները և վերաբերմունքը ընկերության արտադրանքի նկատմամբ: Սպառողների վերլուծությունը ցույց է տալիս առկա սպառողների գոհունակությունն ու հավատարմությունը և, հետևաբար, թույլ է տալիս հարմարեցնել ձեր ընկերության մարքեթինգային ռազմավարությունը՝ բարելավել գները, հարմարեցնել ձեր ապրանքներն ու ծառայությունները սպառողների կարիքներին, օպտիմալացնել առաջխաղացման ուղիները և գովազդային քաղաքականությունը:

Կարելի է առանձնացնել սպառողների ինտեգրված մարքեթինգային վերլուծության հետևյալ հիմնական ոլորտները՝

Սպառողների կարիքների վերլուծություն — նպատակն է բացահայտել հիմնական կարիքները, որոնք սպառողը ձգտում է բավարարել, ինչպես նաև բացահայտել այն կարիքները, որոնք ներկայում չեն բավարարվում:
Սպառողների սպասումների վերլուծություն — ուսումնասիրել սպասարկման ստանդարտները, որոնք հաճախորդները ակնկալում են ծառայություն գնելուց, օրինակ՝ ծառայության արժեքի վերաբերյալ
Հաճախորդների ընկալման հետազոտություն — հաճախորդի տեսանկյունից ծառայությունների որակի ամենակարևոր չափանիշների ուսումնասիրություն, այն է՝ ի՞նչ է նա ակնկալում և ի՞նչ հույս ունի ստանալ՝ գնելով ծառայությունը։
Սպասարկման հսկողություն — ծառայություններ մատուցողները չափում են ծառայության տեխնիկական կողմերը, ինչպիսիք են բանկային միջոցների փոխանցումների հուսալիությունը և ժամանակին։
Գործառնական մեթոդների վերլուծություն և հաճախորդների արձագանքը ապրանքների և ծառայությունների առաջարկին — օրինակ՝ ապրանքների և ծառայությունների պահանջարկի մոդելավորում և կանխատեսում։
Հիմնական/կարևոր հաճախորդների ուսումնասիրություն — սպասարկող կազմակերպությունների մեծամասնությունը որոշ հաճախորդներին համարում է ավելի կարևոր, քան մյուսները, առավել հաճախ՝ պայմանավորված ակտիվների մեծությամբ կամ գոյացած շահույթով և/կամ ընկերության ապրանքների կամ ծառայությունների սպառման հետևողականությամբ։
Մշտական կապի պահպանում ընթացիկ և պոտենցիալ հաճախորդների հետ՝ ստեղծելով սպառողների վահանակ։
Տեղեկատվության ստացում՝ ծառայությունների որակի վերաբերյալ սպառողների ակնկալիքների վերաբերյալ։
Սպառողների բողոքների վերլուծություն — ծառայություններ մատուցող կազմակերպությունները հաճախ դիտարկում են հաճախորդների բողոքները որպես տեղեկատվության դրական աղբյուր, քանի որ եթե բողոքը ներկայացվում է ղեկավարությանը, ապա այդ տեղեկատվությունը կօգնի վերացնել պատճառները, ինչպես նաև խուսափել այդ նախադեպերի կրկնությունից ապագայում։

Վերադառնալ բառարանի հիմնական էջ